Main » 2012 » March » 13 » ՄԱԿ-ի Անվտանգության խորհուրդը մեկ տարով երկարացրել է Լիբիայի իշխանություններին օգնելու մանդատը
01:06
ՄԱԿ-ի Անվտանգության խորհուրդը մեկ տարով երկարացրել է Լիբիայի իշխանություններին օգնելու մանդատը
ՄԱԿ-ի Անվտանգության խորհուրդը մեկ տարով երկարացրել է Լիբիայի իշխանություններին օգնելու մանդատը
ՄԱԿ-ի Անվտանգության խորհուրդը մեկ տարով երկարացրել է Լիբիայի նոր
իշխանություններին ցուցաբերվող օգնությունը և կոչ է արել նրանց հետևել
երկրում մարդու իրավունքների պահպանմանը:
Երկուշաբթի օրն ընդունված
որոշման համաձայն՝ ԱԽ–ն «իր խորին մտահոգությունն է հայտնում այն լուրերի
կապակցությամբ, որ երկրում դեռևս շարունակվում են մարդկանց ապօրինի
ազատազրկումները, ձերբակալությունները, խոշտանգումները և առանց
դատավարության մահապատժի ենթարկելը»:
ՄԱԿ-ի ուժերը կօգնեն Լիբիայի
իշխանություններին իրականացնել դեմոկրատական կառույցների կառավարումը,
ընտրությունների անցկացումը, մարդու իրավունքների պահպանումը, կօգնեն
պայքար մղել զենքի ապօրինի տարածման դեմ:
ՄԱԿ-ի Անվտանգության խորհուրդը նաև ընդունել է Լիբիայի զենք ներկրելու էմբարգոյի որոշումը:
Նշենք,
որ 2011 թ. կեսերին Լիբիայում ապստամբություն սկսվեց Մուամար Քադաֆիի
ռեժիմի դեմ, որը վերածվեց զինված պայքարի՝ ընդդիմության և իշխանության
կողմնակիցների միջև: Պայքարի արդյունքում իշխանության եկավ Ազգային
անցումային խորհուրդը, իսկ Մուամար Քադաֆին սպանվեց հոկտեմբերի 20-ին:
ՄԱԿ-ի Անվտանգության խորհուրդը մեկ տարով երկարացրել է Լիբիայի իշխանություններին օգնելու մանդատը
