Main »
2012 »
March »
13 » Ով խոսում է պատերազմի մասին, ձգտում է պատերազմի. Տիգրան Կարապետյանը ՀՀԿ մասին
00:42 Ով խոսում է պատերազմի մասին, ձգտում է պատերազմի. Տիգրան Կարապետյանը ՀՀԿ մասին |
Ով խոսում է պատերազմի մասին, ձգտում է պատերազմի. Տիգրան Կարապետյանը ՀՀԿ մասին
ՀՀԿ-ն չի ամաչում, դեռ մի բան էլ գովաբանում է իրեն: «Առաջին լրատվական»-ի
հետ զրույցում նման միտք հայտնեց Ժողովրդական կուսակցության նախագահ
Տիգրան Կարապետյանը՝ անդրադառնալով մարտի 10-ին կայացած ՀՀԿ համագումարում
Սերժ Սարգսյանի հնչեցրած ելույթի ներքաղաքական հատվածին:
«Խորը
համոզմունք ունեմ, որ ամեն ինչ կլինի այնպես, ինչպես եղել է: Ասում են, որ
կենսաթոշակները 20 տոկոսով բարձրացել են ու դրանով հպարտանում են: Իսկ 20
հազար դրամի 20 տոկոսը 2 հազար դրամ է (4 հազար դրամ.- խմբ.): Թող
տոկոսներով չխոսեն, թվերով խոսեն: ՀՀԿ-ն թվեր չի ասում, որովհետև դրանք
խղճուկ են: Այնպես որ, ոչ մի առաջընթաց չկա: Հակառակը, արտաքին պարտքը
փաթաթում են ժողովրդի վզին: Դրսից փողերը վերցնում են, լվանում են և դրսում
էլ հարստանում»,- ասաց նա:
Անդրադառնալով Սերժ Սարգսյանի ելույթի
այն հատվածին, ուր վերջինս խոսում է ՀՀԿ-ի և առաջիկա ընտրությունների
մասին, Տիգրան Կարապետյանը նկատեց, որ քաղաքական այդ ուժը կեղծելու է
ընտրությունների արդյունքները: «Ով խոսում է պատերազմի մասին, ձգտում է
պատերազմի: Ընտրությունները կեղծվելու են այնպես, ինչպես միշտ են կեղծվել:
Բնակչության 30 տոկսը երկրում չէ, 30 տոկոսն էլ ընտրություններին չի
մասնակցում, դրա համար էլ ինչ ուզեն՝ կգրեն: Երբ ընդդիմությունն ասում էր,
որ պետք է ընտրություններից հետո հրապարակել ընտրողների անուններով
ցուցակները, իշխանությունները դեմ էին գնում դրան: Ահա՝ որտեղ է թաղված շան
գլուխը»,- ասաց ԺԿ նախագահը:
Ամփոփելով՝ նա նշեց, որ համամիտ է Սերժ Սարգսյանի ելույթի միայն մի հատվածին. այն է՝ Արցախը եղել է, կա և լինելու է հայկական:
Հղում 1in.am
|
|
Views: 491 |
Added by: Admin
| Rating: 0.0/0 |